ന്യൂഡല്ഹി: കേരളത്തില് മങ്കിപോക്സ് സ്ഥിരീകരിച്ച സാഹചര്യത്തില് സംസ്ഥാനത്തേക്ക് വിദഗ്ധ സംഘത്തെ നിയോഗിച്ച് കേന്ദ്രസര്ക്കാര്. രോഗത്തിന്റെ ഉറവിടം കണ്ടെത്തുന്നതിനും ആവശ്യമായ പൊതുജനാരോഗ്യ നടപടികള് സ്വീകരിക്കുന്നതിനുമായി കേന്ദ്ര ആരോഗ്യ കുടുംബക്ഷേമ മന്ത്രാലയമാണ് സംഘത്തെ നിയോഗിച്ചത്. ന്യൂഡല്ഹിയിലെ നാഷണല് സെന്റര് ഫോര് ഡിസീസ് കണ്ട്രോളിലെ (എന്.സി.ഡി.സി) ജോയിന്റ് ഡയറക്ടര് ഡോ. സാങ്കേത് കുല്ക്കര്ണി, ഡല്ഹിയിലെ ഡോ. ആര്.എം.എല് ഹോസ്പിറ്റലിലെ മൈക്രോബയോളജി വകുപ്പിലെ അസോസിയേറ്റ് പ്രൊഫസര്, ഡോ. അരവിന്ദ് കുമാര് അച്ഛ്റ ഡെര്മറ്റോളജിസ്റ്റ് ഡോ. അഖിലേഷ് തോലേ, കേരളത്തിലെ ആരോഗ്യ കുടുംബക്ഷേമ മേഖലാ (കോഴിക്കോട്) അഡൈ്വസര് ഡോ. പി. രവീന്ദ്രന് എന്നിവര്ക്ക് പുറമെ ആരോഗ്യ കുടുംബക്ഷേമ മന്ത്രാലയത്തിലെ മുതിര്ന്ന ഉദ്യോഗസ്ഥരും അടങ്ങുന്നതാണ് സംഘം.
