ഹരിപ്പാട്: മണ്ണാറശാലയിൽ 46 ദിവസം പ്രായമായ കുഞ്ഞിനെ അമ്മ കിണറ്റിലിട്ട് കൊലപ്പെടുത്തി. തുലാംപറമ്പ് വടക്ക് മണ്ണാറ പഴഞ്ഞിയിൽ വീട്ടിൽ ശ്യാംകുമാറിന്റെ മകൾ ദൃശ്യയാണ് മരിച്ചത്. കുട്ടിയുടെ അമ്മ ദീപ്തി പോലീസ് കസ്റ്റഡിയിലാണ്. ഉച്ചയ്ക്കു ശേഷമാണ് വീട്ടിൽ ശ്യാം കുമാറിന്റെ അച്ഛൻ മാത്രമാണ് ഉണ്ടായിരുന്നത്. അമ്മ പുറത്ത് പോയിരിക്കുകയായിരുന്നു. ശബ്ദം കേട്ട് നോക്കിയപ്പോഴാണ് കുഞ്ഞ് കിണറ്റിൽ കിടക്കുന്നത് കണ്ടത്. കരയ്ക്കെടുത്ത് ആശുപത്രിയിലെത്തിച്ചപ്പോഴേക്കും മരിച്ചിരുന്നു. അമ്മയ്ക്ക് മാനസിക പ്രശ്നങ്ങൾ ഉണ്ടെന്ന് പോലീസ് പറഞ്ഞു.
