തിരുവനന്തപുരം : നടി മാലാ പാര്വതിയുടെ അമ്മയും പ്രശസ്ത ഗൈനക്കോളജിസ്റ്റുമായിരുന്ന ഡോ.കെ.ലളിത അന്തരിച്ചു. 85 വയസായിരുന്നു. പട്ടം എസ് യു ടി ആശുപത്രിയില് ഇന്ന് പുലര്ച്ചെയായിരുന്നു അന്ത്യം. കരളിലെ അര്ബുദ ബാധയെത്തുടര്ന്ന് ഇക്കഴിഞ്ഞ ജൂലൈ 12 മുതല് ചികിത്സയിലായിരുന്നു. മാലാ പാര്വതി തന്നെയാണ് ഫേസ്ബുക്കിലൂടെ ഇക്കാര്യം അറിയിച്ചത്.
എസ്എടി ആശുപത്രി റിട്ട.പ്രൊഫസറും വകുപ്പുമേധാവിയുമായിരുന്ന ഡോ.ലളിത വിരമിച്ച ശേഷം പട്ടം എസ് യു ടിയില് സേവനമനുഷ്ഠിക്കുകയായിരുന്നു. വയലാര് രാമവര്മ ട്രസ്റ്റ് സെക്രട്ടറിയായിരുന്ന അന്തരിച്ച സി.വി ത്രിവിക്രമനാണ് ഭര്ത്താവ്. ലക്ഷ്മി മനു എസ് കുമാരന്, മാല പാര്വതി എന്നിവര് മക്കളാണ്. സംസ്കാരം വൈകിട്ട് 5.30 ന് ശാന്തികവാടത്തില്.
