കാസര്ഗോഡ്: കാസര്ഗോഡ് എം.പി രാജ്മോഹന് ഉണ്ണിത്താന്റെ പ്രസംഗത്തിനിടെ ഇടപെട്ട് മന്ത്രി പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്. രാജ്മോഹന് ഉണ്ണിത്താന് പ്രസംഗിക്കുന്നതിനിടെ ഇടപെട്ട് മറുപടി നല്കുകയായിരുന്നു മന്ത്രി. മന്ത്രിമാരെ വഷളാക്കുന്നത് സ്തുതിപാഠകരായ ഉദ്യോഗസ്ഥരാണെന്ന് ആയിരുന്നു രാജ്മോഹന് ഉണ്ണിത്താന് എം.പിയുടെ പ്രസംഗത്തിലെ വാക്കുകള്. എന്നാല് എംപി സംസാരിക്കുന്നതിനിടയില് ഒരു കാര്യം പറഞ്ഞോട്ടെ എന്ന പറഞ്ഞ് മന്ത്രി കസേരയില് നിന്നെഴുന്നേറ്റ് മൈക്കിന്റെ അടുത്തെത്തുകയും മറുപടി നല്കുകയുമായിരുന്നു. ഉദ്യോഗസ്ഥര് പറയുന്നതിനനുസരിച്ച് തുള്ളുന്നവരല്ല ഇടതുപക്ഷ മന്ത്രിമാര് എന്നായിരുന്നു വേദിയില് വച്ച് മന്ത്രി നല്കിയ മറുപടി.
