മൂന്നാര് : മൂന്നാറില് എം എല് എയെ മര്ദ്ദിച്ച സംഭവത്തില് സംഘര്ഷമുണ്ടാക്കിയത് മദ്യപിച്ചെത്തിയ ഉദ്യോഗസ്ഥനാണെന്ന് സി.പി.ഐ.എം സംസ്ഥാന സെക്രട്ടറിയേറ്റംഗം കെ കെ ജയചന്ദ്രന്. സമരം സമാധാനപരമായിരുന്നു. മദ്യപിച്ചെത്തിയ ഉദ്യോഗസ്ഥനൊപ്പം എം എല് എയെ മര്ദ്ദിച്ചത് എസ് ഐ സാഗറാണ്. ഇതേ എസ് ഐ മുന്പും സി പി ഐ എം നേതാക്കള്ക്കളെ കയ്യേറ്റം ചെയ്തിട്ടുണ്ട്. നിലവിലെ ജില്ലാ സെക്രട്ടറി സി വി വര്ഗ്ഗീസിനെയും എസ് ഐ മുമ്പ് കയ്യേറ്റം ചെയ്തിരുന്നു.
തക്ക സമയത്ത് നടപടി സ്വീകരിക്കാത്തതിന്റെ പരിണിത ഫലമാണ് എസ് ഐ വീണ്ടും സംഘര്ഷംമുണ്ടാക്കിയതെന്നും കെ.കെ ജയചന്ദ്രന് വ്യക്തമാക്കി. ദ്വിദിന ദേശീയ പണിമുടക്കിന്റെ ഭാഗമായി മൂന്നാറില് സമരം നടത്തിയ എംഎല്എ അടക്കമുള്ള നേതാക്കളെയാണ് പോലീസ് മര്ദ്ദിച്ചത്. അഡ്വ എ രാജ എംഎല്എ അടക്കമുള്ള നേതാക്കള്ക്ക് പോലീസില് നിന്നും മര്ദ്ദനമേറ്റു. സ്ഥലം എംഎല്എ ആണെന്ന് അറിയിച്ചിട്ടും മൂന്നാര് എസ് ഐ എം ബി സാഗര് പ്രകോപനം സൃഷ്ടിക്കുകയായിരുന്നെന്ന് എംഎല്എ എ രാജ പറഞ്ഞു.
