പാലക്കാട് : യുവാവിനെ കുത്തികൊലപ്പെടുത്താന് ശ്രമിച്ച കേസില് മൂന്നുപേര് പിടിയില്. കരിങ്കാരപ്പള്ളി സ്വദേശികളായ ശിവന് (32), കിടുങ്ങന് സുഭാഷ് എന്ന സുഭാഷ് (39), വിനു (35) എന്നിവരെയാണ് ടൗണ് സൗത്ത് പോലീസ് അറസ്റ്റ് ചെയ്തത്. പ്രതികളെ കോടതിയില് ഹാജരാക്കി റിമാന്ഡ് ചെയ്തു. നേരത്തെ ഒന്നാം പ്രതി ദീപക്കിനെ അറസ്റ്റ് ചെയ്തിരുന്നു. ഇയാള് ജയിലിലാണ്. കഴിഞ്ഞവര്ഷം ഒക്ടോബറിലാണ് കേസിനാസ്പദമായ സംഭവം നടന്നത്. കൊടുമ്പ് ചെങ്കോല് എന്ന സ്ഥലത്ത് സുഹൃത്തുമായി സംസാരിച്ചു നില്ക്കുന്ന തിരുവാലത്തൂര് സ്വദേശി ഷിബുവിനെയാണ് നാലംഗസംഘം ആക്രമിച്ചത്. ഇരുമ്പ് വടികൊണ്ട് മര്ദിക്കുകയും കൈകൊണ്ട് മൂക്ക് ഇടിച്ച് തകര്ക്കുകയും കത്തിയുപയോഗിച്ച് കുത്തുകയും ചെയ്തു. ഷിബുവിന് ഗുരുതരമായി പരിക്കേറ്റു. ദീര്ഘകാലം ചികിത്സയിലായിരുന്നു. ഇന്സ്പെക്ടര് ടി ഷിജു എബ്രഹാം, എസ്.ഐ ഉദയകുമാര്, സിപിഒ മാരായ രാജീവ്, പ്രഭു, വിനീത്, രവി, കൃഷ്ണദാസ് എന്നിവരടങ്ങിയ സംഘമാണ് പ്രതികളെ പിടികൂടിയത്.
യുവാവിനെ കുത്തികൊലപ്പെടുത്താന് ശ്രമിച്ച കേസില് മൂന്നുപേര് പിടിയില്
RECENT NEWS
Advertisment