തിരുവനന്തപുരം : മ്യൂസിയം ലൈംഗികാക്രമണക്കേസിലെ പ്രതി സന്തോഷ് കുമാറിന്റെത് രാഷ്ട്രീയ നിയമനമെന്ന് കരാറുകാരന് ഷിനില് ആന്റണി. ശമ്പളം കൊടുക്കുക മാത്രമാണ് തന്റെ ജോലിയെന്നും വ്യക്തിപരമായ ഒരു വിവരവും അറിയില്ലെന്നും ഷിനില് പറഞ്ഞു. കഴിഞ്ഞ മന്ത്രിസഭയുടെ കാലത്ത് മന്ത്രി കെ.കൃഷ്ണന്കുട്ടിയുടെ ഓഫീസ് ഡ്രൈവറായിരുന്നു സന്തോഷെന്നും ഷിനില് പറഞ്ഞു. സന്തോഷ് കരാര് ജീവനക്കാരന് മാത്രമെന്ന് പറഞ്ഞ് മന്ത്രി റോഷി അഗസ്റ്റിന്റെ ഓഫീസ് കൈകഴുകുമ്പോഴാണ് കരാറുകാരന്റെ വെളിപ്പെടുത്തല്.
സന്തോഷ് കുമാറിന്റെ അറസ്റ്റ് ഇന്ന് മ്യൂസിയം പോലീസ് രേഖപ്പെടുത്തും. കുറവൻകോണത്തെ വീട്ടിൽ അതിക്രമിച്ചു കയറിയ കേസിൽ റിമാൻഡിലാണ് പ്രതി. മ്യൂസിയം കേസിലും പ്രതി സന്തോഷാണെന്ന് കാട്ടി ഇന്നലെ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ റിപ്പോർട്ട് സമർപ്പിച്ചിരുന്നു. സന്തോഷിനെതിരെ സമാനമായ നിരവധി പരാതികൾ ഉണ്ടെന്നാണ് വിവരം. പേരൂർക്കട പോലീസ് രജിസ്റ്റർ ചെയ്ത മറ്റൊരു ലൈംഗികാതിക്രമ കേസിൽ സന്തോഷിന്റെ വിരലടയാളം ഫോറൻസിക് ലാബിലേയ്ക്ക് അയച്ചു. കഴിഞ്ഞ ഡിസംബറിൽ കുറവൻകോണത്ത് വീടിനുള്ളിൽ കയറി പെൺകുട്ടിയെ ആക്രമിച്ചെന്നാണ് കേസ്. പരാതി ലഭിച്ച് ഒരു വർഷത്തോളമായിട്ടും പ്രതിയെ പിടികൂടാതിരുന്നതും പോലീസിന്റെ ഗുരുതരവീഴ്ചയാണ്.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
