കോഴിക്കോട് : നിലവിലെ പ്രീ – പ്രൈമറി വിദ്യാഭ്യാസ രീതിയില്‍ നവീകരണം ആവശ്യമാണെന്ന് ദേശീയ ശിശുക്ഷേമ സംഘടനയായ നാഷണല്‍ ചൈല്‍ഡ് ഡെവലപ്പ്മെന്റ് കൗണ്‍സില്‍. കുട്ടികളുടെയും മുതിര്‍ന്നവരുടേയും പദസമ്പത്തും ആശയ വിനിമയ വൈദഗ്ധ്യവും ഒരുപോലെ മെച്ചപ്പെടുത്തുന്ന പ്രായോഗിക രീതി (methedology ) പരിഗണിക്കാന്‍ കേന്ദ്ര -സംസ്ഥാന സര്‍ക്കാരുകള്‍ ശ്രദ്ധ ചെലുത്തണം. പലപ്പോഴും സ്കൂള്‍ പാഠ്യപദ്ധതി, പ്രത്യേകിച്ച് പ്രീ – പ്രൈമറി തലത്തില്‍ വേണ്ടത്ര ആധുനികമല്ല. കാഠിന്യമേറിയ പാഠ്യപദ്ധതി നിര്‍ത്തലാക്കി പുതിയതും മെച്ചപ്പെട്ടതുമായ ഒരു വിദ്യാഭ്യാസ രീതി നടപ്പിലാക്കണമെന്നാണ് സംഘടനയുടെ അഭിപ്രായം.
പരിഷ്ക്കരിച്ച സിലബസ് എല്ലാ കാഴ്ചപ്പാടുകളും ഉള്‍ക്കൊള്ളാന്‍ കുട്ടികളെ പഠിപ്പിക്കുന്നതിനൊപ്പം അവരുടെ ശാസ്ത്രീയ മനോഭാവം വളര്‍ത്തുന്ന ഒന്നായിരിക്കണം. കൂടാതെ പ്രൈമറി സ്കൂള്‍ തലത്തിലെ അദ്ധ്യാപകരെ പ്രോത്സാഹിക്കുകയും വേണമെന്ന് സംഘടന ആവശ്യപ്പെട്ടു. എന്‍.സി.ഡി.സി മാസ്റ്റര്‍ ട്രെയിനര്‍ ബാബ അലക്സാണ്ടര്‍, റീജണല്‍ ഓഫീസ് അഡ്മിനിസ്ട്രേറ്റര്‍ മുഹമ്മദ് റിസ്വാന്‍, ഇവാലുവേഷന്‍ കോര്‍ഡിനേറ്റര്‍ ആരതി. ഐ.സ്, പ്രോഗ്രാം കോര്‍ഡിനേറ്റര്‍ ഡോ. ശ്രുതി ഗണേഷ് തുടങ്ങിയവരടങ്ങുന്ന ബോര്‍ഡാണ് പ്രമേയം പാസാക്കിയത്.
