ബെംഗളൂരു : ലഹരിമരുന്ന് കേസില് അറസ്റ്റിലായ നടി സഞ്ജന ഗല്റാണിയുടെ ജുഡീഷ്യല് കസ്റ്റഡി 30 വരെ നീട്ടി. ബെംഗളൂരു പാരപ്പന അഗ്രഹാര സെന്ട്രല് ജയിലിലാണ് നടിയിപ്പോള്. വീഡിയോ കോണ്ഫറന്സിലൂടെയാണ് സഞ്ജന ഹാജരായത്. ഐടി ജീവനക്കാരന് പ്രതീക് ഷെട്ടിയുടെയും ജുഡീഷ്യല് കസ്റ്റഡി 30 വരെ നീട്ടിയിരിക്കുകയാണ്. അതിനിടെ, തനിക്ക് ജാമ്യം നല്കണമെന്നും ശാരീരികമായ അസ്വസ്ഥതകളുണ്ടെന്നും നടി പറഞ്ഞു. തന്റെ കമ്പനിയില് ജോലി ചെയ്യുന്ന 250 പേര് തനിക്കായി തെരുവിലിറങ്ങുമെന്നും നടി പറഞ്ഞു.
എന്നാല് എസിഎംഎം കോടതി റിമാന്ഡ് നീട്ടി. കര്ണാടക കോണ്ഗ്രസ് മുന് എംഎല്എ ആര്.വി. ദേവരാജിന്റെ മകനും ബെംഗളൂരു നഗരസഭ കോര്പറേറ്ററുമായ യുവരാജ്, നടന്മാരായ അകുല് ബാലാജി, ആര്യന് സന്തോഷ് എന്നിവരും ചോദ്യം ചെയ്യലിന് ഹാജരായിരുന്നു. ‘തെറ്റ് ചെയ്തിട്ടില്ല, അതിനാല് ഭയവുമില്ല’ ബാലാജി പ്രതികരിച്ചു.
പ്രതികളില് ഒരാളായ വൈഭവ് ജെയ്നുമായുള്ള ബന്ധം അറിയാനാകും തന്നെ വിളിപ്പിച്ചതെന്നു ആര്യന് സന്തോഷ് പറഞ്ഞു.