ആലപ്പുഴ : 68-മത് നെഹ്റു ട്രോഫി വള്ളംകളി ഇന്ന് പുന്നമടക്കായലില്. ഉച്ചകഴിഞ്ഞ് രണ്ടിന് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. മന്ത്രിമാരായ പി.എ. മുഹമ്മദ് റിയാസ്, കെ.എന്. ബാലഗോപാല്, കെ. രാജന്, പി. പ്രസാദ്, റോഷി അഗസ്റ്റിന് തുടങ്ങിയവര് പങ്കെടുക്കും. ഒമ്പത് വിഭാഗങ്ങളിലായി 77 വള്ളങ്ങളാണ് ഇക്കുറി മാറ്റുരയ്ക്കുന്നത്.
ചുണ്ടന് വിഭാഗത്തില് 20, ചുരുളന് 3, ഇരുട്ടുകുത്തി എ ഗ്രേഡ് 5, ഇരുട്ടുകുത്തി ബി ഗ്രേഡ് 16, ഇരുട്ടുകുത്തി സി ഗ്രേഡ് 13, വെപ്പ് എ ഗ്രേഡ് 9, വെപ്പ് ബി ഗ്രേഡ് 9 അടക്കമാണ് 77 വള്ളങ്ങള്. മത്സരങ്ങള് രാവിലെ 11ന് തുടങ്ങും. ഉദ്ഘാടന സമ്മേളനത്തിനുശേഷമാകും ചുണ്ടന് വള്ളങ്ങളുടെ ഹീറ്റ്സ്. വൈകുന്നേരം നാലു മുതല് അഞ്ചു വരെയാണു ഫൈനല്. യന്ത്രവത്കൃത സ്റ്റാര്ട്ടിംഗ് സംവിധാനവും ഫോട്ടോ ഫിനിഷിംഗ് സംവിധാനവും സ ജ്ജികരിച്ചിട്ടുണ്ട്. സന്ദര്ശകര്ക്കായി കൂടുതല് ബോട്ടുകളും ബസുകളും ഏര്പ്പെടുത്തി. അയല് ജില്ലകളിലെ കെഎസ്ആര്ടിസി ഡിപ്പോകളില്നിന്ന് രാവിലെ ആലപ്പുഴയിലേക്കും വൈകുന്നേരം തിരികെയും പ്രത്യേക സര്വീസുകളുണ്ടാകും. പാസുള്ളവര്ക്കു മാത്രമാണ് ഗാലറികളിലേക്ക് പ്രവേശനം.
