വയനാട് : നെല്ലിയമ്പം ഇരട്ടക്കൊലപാതക കേസില് പ്രതി അര്ജുനെ കസ്റ്റഡിയില് ആവശ്യപ്പെട്ടുകൊണ്ട് പോലീസ് ഇന്ന് അപേക്ഷ സമര്പ്പിക്കും. മാനന്തവാടി ഒന്നാം ക്ലാസ് മജിസ്ട്രേറ്റ് കോടതിയിലാണ് അപേക്ഷ നല്കുക. കൃത്യം നടത്താന് പ്രതിയെ ആരെങ്കിലും സഹായിച്ചോ എന്നതുള്പ്പടെയുള്ള കാര്യങ്ങളില് വ്യക്തത വരുത്താനാണ് പ്രതിയെ കസ്റ്റഡിയില് ആവശ്യപ്പെടുന്നത്.
പ്രതിയെ കൊലപാതകം നടന്ന വീട്ടിലെത്തിച്ച് തെളിവെടുത്തിരുന്നു. ജൂണ് 10 നാണ് റിട്ടയേര്ഡ് അദ്ധ്യാപകനായ നെല്ലിയമ്പത്ത് പദ്മാലയത്തില് കേശവന്, ഭാര്യ പത്മാവതിയമ്മ എന്നിവര് കൊല്ലപ്പെട്ടത്. വൃദ്ധ ദമ്പതികളുടെ അയല്വാസിയാണ് അര്ജുന്. ഈ മാസം 10ന് ചോദ്യം ചെയ്യലിനായി ഇയാളെ പോലീസ് വിളിച്ചു വരുത്തിയിരുന്നു. ചോദ്യം ചെയ്യലിനിടെ അര്ജുന് സ്റ്റേഷനില് നിന്ന് ഇറങ്ങിയോടുകയും, അടിവസ്ത്രത്തില് ഒളിപ്പിരുന്ന എലി വിഷം കഴിച്ച് ആത്മഹത്യക്ക് ശ്രമിക്കുകയും ചെയ്തിരുന്നു. മോഷണ ശ്രമത്തിനിടെയാണ് വൃദ്ധ ദമ്പതികളെ കൊലപ്പെടുത്തിയതെന്ന് അര്ജുന് പോലീസിനോട് സമ്മതിച്ചു.
