റാന്നി : കരികുളം അഞ്ചുകുഴിയിലെ ദിവ്യ കാരുണ്യ ആശ്രമത്തിൽ പഴവങ്ങാടി ഗ്രാമപഞ്ചായത്ത് ഭാരവാഹികളുടെ നേതൃത്വത്തില് സ്വകാര്യവ്യക്തിയുടെ സഹായത്തോടെ പുതുവത്സരാഘോഷം സംഘടിപ്പിച്ചു. മക്കപ്പുഴ കുഴികാലായില് റ്റിജു വർഗീസ് തോമസും കുടുംബവുമാണ് സഹായവുമായെത്തിയത്.
ഗ്രാമപഞ്ചായത്ത് പ്രസിഡന്റ് അനിത അനിൽകുമാർ, വൈസ് പ്രസിഡന്റ് ജോൺ എബ്രഹാം, സ്ഥിരം സമിതി അധ്യക്ഷ സീമ മാത്യു, ഗ്രാമപഞ്ചായത്ത് അംഗങ്ങളായ ജിജി വർഗീസ്, എംജി ശ്രീകുമാർ, റ്റിറ്റി കാക്കാന പള്ളിൽ, ബിനോജ് ചിറക്കൽ, റെജി പുതുശ്ശേരിൽ എന്നിവർ പ്രസംഗിച്ചു. പ്രസിദ്ധ ടി.വി ആര്ട്ടിസ്റ്റ് കുമാരി ഐശ്വര്യ അനിൽ ചടങ്ങല് ഗാനങ്ങൾ ആലപിച്ചു. കാരുണ്യ ആശ്രമം അധികൃതര് ബിജി ടിജു, കൃപ, കെവിന്, കെസിയ എന്നിവര് ആഘോഷത്തിന് നേതൃത്വം നല്കി.
