കൊല്ലം : സംസ്ഥാനത്താകെ യുഡിഎഫ് തരംഗം ആഞ്ഞടിച്ചപ്പോഴും ചാത്തന്നൂർ നിയമസഭാ മണ്ഡലത്തിൽ മൂന്നാം സ്ഥാനത്തേക്ക് പിന്തള്ളപ്പെട്ടതിന്റെ ഞെട്ടലിലാണ് കോൺഗ്രസ് നേതൃത്വം. ഈ കനത്ത പരാജയത്തെക്കുറിച്ച് അടിയന്തരമായി അന്വേഷിക്കാൻ മൂന്നംഗ കമ്മീഷനെ പാർട്ടി നിയോഗിച്ചു. കെപിസിസി സെക്രട്ടറി എൽ. കെ. ശ്രീദേവി ചെയർമാനായ സമിതിയിൽ ജി. ആർ. കൃഷ്ണകുമാർ, എം. സുജയ് എന്നിവരാണ് മറ്റ് അംഗങ്ങൾ. 15 ദിവസത്തിനകം റിപ്പോര്ട്ട് ഡിസിസിക്ക് സമര്പ്പിക്കും. ഈ റിപ്പോര്ട്ട് ഡിസിസി കെപിസിസിക്ക് കൈമാറും. റിപ്പോര്ട്ട് തൃപ്തികരമല്ലെങ്കില് കെപിസിസി മറ്റൊരു സമിതിയെ വെച്ച് അന്വേഷിക്കുമെന്നാണ് വിവരം. എല്ഡിഎഫ് സീറ്റായിരുന്ന ചാത്തന്നൂരില് ഇത്തവണ ബിജെപിയാണ് ജയിച്ചത്. എന്ഡിഎയുടെ ബി ബി ഗോപകുമാറാണ് ചാത്തന്നൂരില് നിന്ന് എംഎല്എയായത്. 4398 വോട്ടുകളുടെ ഭൂരിപക്ഷത്തിലാണ് ഗോപകുമാര് വിജയിച്ചത്. ഗോപകുമാര് 51923 വോട്ടുകള് നേടിയപ്പോള് എല്ഡിഎഫ് സ്ഥാനാര്ത്ഥി നേടിയത് 47525 വോട്ടുകളാണ്. യുഡിഎഫ് സ്ഥാനാര്ത്ഥി സൂരജ് രവി 35276 വോട്ടുകളാണ് നേടിയത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
