മേത്തല : കോട്ടപ്പുറത്ത് അനുമതിയില്ലാതെ നടത്തിയ സംഗീതനിശ പോലീസ് തടഞ്ഞു. സംഘര്ഷമുണ്ടാക്കാന് ശ്രമിച്ച മൂന്നുപേരെ കസ്റ്റഡിയിലെടുത്തു. സംഘാടകര്ക്കെതിരെയും കേസെടുത്തു. കോട്ടപ്പുറം ആംഫി തിയറ്ററില് ബുധനാഴ്ച രാത്രിയിലാണ് സംഗീത പരിപാടി നടത്തിയത്. വാട്ടര് ഡ്രം മ്യൂസിക് പ്രോഗ്രാം കാണാനായി വലിയ ജനക്കൂട്ടമാണ് എത്തിയത്. രാത്രി എട്ടരയോടെ കൊടുങ്ങല്ലൂര് എസ്.ഐ കെ.എസ് സൂരജിന്റെ നേതൃത്വത്തില് എത്തിയ പോലീസ് പരിപാടി അവസാനിപ്പിക്കാന് ആവശ്യപ്പെട്ടു. സംഘാടകര് പരിപാടി നിര്ത്തിയെങ്കിലും കാഴ്ചക്കാരില് ചിലര് പോലീസിനെതിരെ തിരിഞ്ഞു. തുടര്ന്ന് മൂന്നുപേരെ പോലീസ് കസ്റ്റഡിയിലെടുത്തു. അനുമതിയില്ലാതെ സംഗീത പരിപാടി നടത്തിയതിന് സംഘാടകരായ അതുല്, അസ്ലം എന്നിവര്ക്കും ആംഫി തിയറ്റര് മേല്നോട്ടക്കാരായ മുസിരിസ് പൈതൃക പദ്ധതിയുടെ മാനേജര് സജ്നക്കും എതിരെയാണ് കേസെടുത്തത്.
കോട്ടപ്പുറത്ത് അനുമതിയില്ലാതെ നടത്തിയ സംഗീതനിശ പോലീസ് തടഞ്ഞു
RECENT NEWS
Advertisment