തിരുവനന്തപുരം: ലഹരിക്കെതിരെ കേരളാ ചിത്രകലാ പരിഷത്ത് ‘വരലഹരി’ സംഘടിപ്പിച്ചു. നവംബർ 1 രാവിലെ പത്തുമണിയോടെ സെക്രട്ടറിയേറ്റ് നടയിൽ ആരംഭിച്ച കൂട്ടവരയുടെ ഉദ്ഘാടനം പ്രമുഖ ആർട്ടിസ്റ്റ് ബി.ഡി. ദത്തൻ നിർവഹിച്ചു. ചടങ്ങിൽ സാംസാരിക രാഷ്ട്രീയ മേഖലയിലെ പ്രമുഖർ പങ്കെടുത്ത് ആശംസകൾ നേർന്നു. മയക്കുമരുന്നിന്റെ ലഹരിയുടെ മായികവലയത്തിൽ നിന്നും യുവത്വത്തെ മോചിപ്പിക്കാനുള്ള ബോധവൽക്കരണ തൽസമയ ചിത്രരചനയിൽ പങ്കാളികളാകാൻ പരിഷത്തിലെ ചിത്രകാർക്കൊപ്പം ധാരാളം പേർ എത്തി. വരയാണ് കലാകാരന്റെ ലഹരിയെന്നും പുതു തലമുറയിൽ ക്രിയേറ്റിവിറ്റിയുടെ ലഹരിയാണ് നിറയേണ്ടത് എന്ന മെസേജ് പകരുകയാണ് ലക്ഷ്യമെന്നും പ്രസിഡന്റ് ഷഫീക്ക്, സെക്രട്ടറി അനിൽ കരൂർ എന്നിവർ അറിയിച്ചു.
