റാന്നി : എന്‍.എസ്.എസ് റാന്നി താലൂക്ക് കരയോഗത്തിന്റെ നേതൃത്വത്തില്‍ പതാകദിനാചരണം നടത്തി. താലൂക്ക് യൂണിയന്‍ പ്രസിഡന്റ് അഡ്വ. വി.ആര്‍. രാധാകൃഷ്ണന്‍ പതാക ഉയര്‍ത്തി. സംഘടന രൂപീകരിച്ചതിന്റെ വാര്‍ഷികവുമായി ബന്ധപ്പെട്ട് യൂണിയന്‍ ആസ്ഥാനത്താണ് പതാകദിനാചരണം നടത്തിയത്. എന്‍.എസ്.എസ് രൂപികരണ സമയത്ത് മന്നത്തു പാര്‍വ്വതിയമ്മ കൊളുത്തിയ ഭദ്രദീപത്തിനു മുന്നില്‍ നിന്ന് സമുദായ ആചാര്യന്‍ ചൊല്ലിക്കൊടുത്ത പ്രതിജ്ഞ ഉള്‍പ്പെടെ ഭാരവാഹികള്‍ ഏറ്റു ചൊല്ലി.
യൂണിയന്‍ വൈസ് പ്രസിഡന്റ് എം.എ.ഗോപാലന്‍ നായര്‍, യൂണിയന്‍ സെക്രട്ടറി എം.ജി അശോകകുമാര്‍, കമ്മറ്റിയംഗങ്ങളായ, വി.ആര്‍.അനില്‍ കുമാര്‍, അഡ്വ.ഷൈന്‍ ജി കുറുപ്പ്, കെ.രാമഭദ്രന്‍, പ്രതിനിധി സഭാ മെമ്പര്‍ ജി.ഹരികുമാര്‍, വനിതാ യൂണിയന്‍ പ്രസിഡന്റ് പി എസ്.ആനന്ദാമ്മ, സെക്രട്ടറി വനജ ജി. നായര്‍, കമ്മറ്റിയംഗം ലേഖ ഗോപകുമാര്‍, എന്നിവര്‍ പങ്കെടുത്തു. താലൂക്ക് യൂണിയനിലെ എല്ലാ കരയോഗങ്ങളിലും പതാകദിനം ആചരിച്ചതായി പ്രസിഡന്റ് അറിയിച്ചു.
