റാന്നി : 14-ാം പഞ്ചവത്സര പദ്ധതിയുടെ മുന്നോടിയായി പഞ്ചായത്തുകളിലെ വികസന സ്റ്റാൻഡിംഗ് കമ്മിറ്റിയുടെ കീഴിലുള്ള വിവിധ വർക്കിംഗ് ഗ്രൂപ്പുകൾക്ക് കിലയുടെ നേതൃത്വത്തിൽ ഏകദിന പരിശീലനം നടത്തി. സീതത്തോട്, ചിറ്റാർ, പെരുനാട്, വടശേരിക്കര പഞ്ചായത്തുകളിലെ കൃഷി, മൃഗസംരക്ഷണം, പൊതുമരാമത്ത്, ഊർജ്ജം, പ്രാദേശിക സാമ്പത്തിക ആസൂത്രണം, ദുരന്തനിവാരണം എന്നീ വർക്കിംഗ് ഗ്രൂപ്പ് അംഗങ്ങൾക്കായിരുന്നു പരിശീലനം.
വടശേരിക്കര പഞ്ചായത്തു ഹാളിൽ സംഘടിപ്പിച്ച പരിശീലനം ഗ്രാമ പഞ്ചായത്ത് അസോസിയേഷൻ ജില്ലാ പ്രസിഡൻ്റ് പി.എസ്.മോഹനൻ ഉദ്ഘാടനം ചെയ്തു. വടശേരിക്കര പഞ്ചായത്ത് പ്രസിഡൻ്റ് ലതാ മോഹൻ അദ്ധ്യക്ഷത വഹിച്ചു. ബ്ലോക്ക് കോർഡിനേറ്റർ വി.കെ.രാജഗോപാൽ മുഖ്യ പ്രഭാഷണം നടത്തി. കില ഫാക്കൽറ്റി അംഗങ്ങളായ എൻ പ്രകാശ്, പി.എൻ മധു സൂദനൻ, ദീപാ കെ വാസുദേവൻ, എൻ ബാലകൃഷ്ണപിള്ള, വി.വിജയകുമാരൻ, പ്രൊഫ. മോഹൻ രാജ്, സ്മിതാ എസ്. നായർ, ജോൺ ശാമുവേൽ, ഡോ എച്ച് സജീവ്, പി.എൻ.നൂർജഹാൻ എന്നിവർ ക്ലാസെടുത്തു.
