മല്ലപ്പള്ളി : കോട്ടയം – മല്ലപ്പള്ളി റോഡിൽ വാഹനാപകടം ഒരാൾ മരിച്ചു. കോട്ടയം നെടു കുന്നം സ്വദേശി ചൈത്രം വീട്ടിൽ എസ് സുരേഷ് കുമാർ (52) ആണ് മരിച്ചത്. തിങ്കളായ്ച ഉച്ചക്ക് മൂന്നു മണിയോടെ കോട്ടയം റോഡിൽ അണിമ ജങ്ഷനു സമീപമായിരുന്നു അപകടം. ഫെഡർ ബാങ്കിൽ ക്യാഷുമായെത്തിയ വാൻ റോഡിന്റെ വശത്ത് പാർക്കു ചെയ്തിരുന്ന വാഹനത്തിൽ ഇടിച്ച് മറിയുകയായിരുന്നു.
വാഹത്തിൽ ഉണ്ടായിരുന്ന മറ്റ് നാല് പേർക്കും പരിക്കേറ്റു. ഗൺമാനായിരുന്നു സുരേഷ്. അപകടത്തിൽ ഗുരുതരമായി പരിക്കേറ്റ സുരേഷ് കുമാറിനെ ഉടൻ തന്നെ മല്ലപ്പള്ളിയിലെ സ്വകാര്യ ആശുപത്രിയിലും പിന്നീട് കോട്ടയം മെഡിക്കൽ കോളേജിലും പ്രവേശിപ്പിച്ചെങ്കിലും രക്ഷിക്കാനായില്ല.
