തിരുവല്ല : എംജിഎം എച്ച്എസ്എസ് തിരുവല്ല സ്കൂളിലെ എൻഎസ്എസ് സപ്തദിന ക്യാമ്പിന്റെ മൂന്നാം ദിവസ പദ്ധതി സമൂഹോദ്യാനം, തിരുവല്ല നഗര സഭയുടെ സമീപമുള്ള രാമപുരം മാർക്കറ്റിന്റെ മുൻഭാഗത്ത് പരമ്പരാഗത ചെടികൾ നട്ടുപിടിപ്പിച്ചു കൊണ്ട് സംഘടിപ്പിച്ചു. തിരുവല്ല മാർക്കറ്റ് ഓട്ടോ സ്റ്റാന്റിലെ ഓട്ടോ തൊഴിലാളികളുടെ പൂർണ്ണ പങ്കാളിത്തവും നഗരസഭാ ശുചീകരണ ജീവനക്കാരുടെ സഹകരണവും പദ്ധതി നിർവഹണത്തിൽ ഉണ്ടായിരുന്നു. ഉദ്യാന നിർമ്മാണത്തിലേർപ്പെട്ട വോളണ്ടിയേഴ്സ് എല്ലാവർക്കും ചായ വാങ്ങി നൽകി. അഭിനന്ദനങ്ങൾ അറിയിക്കാൻ ഓട്ടോ തൊഴിലാളികളായ പ്രിയ സഹോദരങ്ങൾ കാണിച്ച സന്മനസ് പ്രശംസനീയമാണ്.
