വടക്കഞ്ചേരി : പന്നിയങ്കര ടോള് ബൂത്തില് വാഹനങ്ങളില്നിന്ന് ഈടാക്കിയിരുന്ന കൂടിയ നിരക്ക് ഹൈകോടതി ഉത്തരവിനെ തുടര്ന്ന് കുറച്ചു. കാര്, ജീപ്പ് ഉള്പ്പെടെയുള്ള ലൈറ്റ് മോട്ടോര് വാഹനങ്ങള്ക്ക് സിംഗിള് യാത്രക്ക് ഇനി 90 രൂപയാകും. റിട്ടേണ് ഉള്പ്പെടെ 135 രൂപയും. നേരത്തേ ഇത് 100, 150 എന്ന നിരക്കിലായിരുന്നു. ട്രക്കുകള്ക്കും ബസുകള്ക്കും ഈ വിധം നിരക്ക് കുറയും. മേയ് 27നാണ് ടോള് നിരക്ക് കുറക്കണമെന്ന് കോടതി ഉത്തരവിട്ടിരുന്നത്. എന്നാല്, ഉത്തരവ് ലഭിച്ചില്ലെന്ന് പറഞ്ഞ് കമ്പനി ഉയര്ന്ന നിരക്ക് ഈടാക്കുന്നത് തുടരുകയായിരുന്നു.
ഉയര്ന്ന നിരക്ക് വാങ്ങുന്നതിനെതിരെ കഴിഞ്ഞദിവസം കെ.പി.സി.സി ജനറല് സെക്രട്ടറി അഡ്വ.ഷാജി കോടങ്കണ്ടത്തിന് റെ നേതൃത്വത്തില് കോണ്ഗ്രസ് പ്രവര്ത്തകര് ടോള് പ്ലാസക്കുമുന്നില് പ്രതിഷേധ സമരം സംഘടിപ്പിച്ചിരുന്നു. അതേസമയം, ടോള്ബൂത്ത് വഴി കടന്നുപോകുന്ന സ്വകാര്യബസുകളുടെ കാര്യത്തില് ഇപ്പോഴും അന്തിമ തീരുമാനമായിട്ടില്ല. അവശ്യസര്വിസ് എന്ന പരിഗണന നല്കി ബസുകള്ക്ക് സൗജന്യ പാസ് നല്കണമെന്നാണ് ആവശ്യം. പ്രദേശവാസികളുടെ സൗജന്യപാസ് സംബന്ധിച്ചും തീരുമാനമായിട്ടില്ല. തിരിച്ചറിയല് കാര്ഡുകള് കാണിച്ചാണ് ഇപ്പോള് പ്രദേശവാസികളുടെ വാഹനങ്ങള് കടന്നുപോകുന്നത്.
