പത്തനംതിട്ട : വാഹനാപകടത്തില് പരിക്ക് പറ്റിയ ജനപ്രതിനിധിക്ക് 1,01,32,854 രൂപ നഷ്ടപരിഹാരം നല്കാന് പത്തനംതിട്ട എം.എ.സി.ടി കോടതിയുടെ ഉത്തരവ്. കുളനട പുത്തന്പുരയ്ക്കല് വീട്ടില് ജോണ്സണ് പി.ഡി (ജോണ്സണ് ഉള്ളൂര് -53) ഫയല് ചെയ്ത ഹര്ജിയിലാണ് വിധി. 2015 നവംബര് 7 ന് ആയിരുന്നു കോടതി വിധിക്ക് ആസ്പദമായ സംഭവം നടന്നത്. കുളനട ബ്ലോക്ക് പഞ്ചായത്ത് പ്രസിഡണ്ടായിരുന്ന ജോണ്സണ് വൈകിട്ട് ഒന്പതരയോട് കൂടി എം.സി റോഡില് ചെങ്ങന്നൂര് – അടൂര് റൂട്ടില് സ്കൂട്ടര് ഓടിച്ചു പോകുമ്പോള് കുളനട ജംഗ്ഷനില് വെച്ച് ഇതേ ദിശയില് എത്തിയ ബൈക്ക് ഇടിക്കുയും ജോണ്സണ് സഞ്ചരിച്ച ബൈക്ക് മറിഞ്ഞ് ഗുരുതരമായി പരിക്ക് സംഭവിക്കുകയും ചെയ്തു.
തുടര്ന്ന് നഷ്ടപരിഹാരം ലഭിക്കുന്നതിനായി പത്തനംതിട്ട എം.എ.സി.ടി കോടതിയില് സ്കൂട്ടര് ഇന്ഷൂര് ചെയ്തിരുന്ന എച്ച്.ഡി.എഫ്.സി എര്ഗോ ജനറല് ഇന്ഷുറന്സ് കമ്പനിയെ എതിര്കക്ഷിയാക്കി കേസ് ഫയല് ചെയ്യുകയായിരുന്നു. പരാതിക്കാരനുവേണ്ടി അഡ്വ.പ്രശാന്ത് വി.കുറുപ്പ് ഹാജരായി.
