പത്തനംതിട്ട : പത്തനംതിട്ട മാർത്തോമ്മാ ഹയർ സെക്കണ്ടറി സ്കൂളിലെ ഒന്നാം വർഷ ഹയർ സെക്കണ്ടറി പ്രവേശനോത്സവം ജില്ലാ കളക്ടർ നിസാമുദ്ദീൻ എ ഐ.എ.എസ് ഉദ്ഘാടനം ചെയ്തു. പി.റ്റി.എ പ്രസിഡന്റ് അഡ്വ.ജോൺ പോൾ മാത്യു അധ്യക്ഷത വഹിച്ചു. മലങ്കര കത്തോലിക്കാ സഭ പത്തനംതിട്ട രൂപതാധ്യക്ഷൻ അഭി.സാമുവേൽ മാർ ഐറേനിയോസ് അനുഗ്രഹ പ്രഭാഷണം നടത്തി. നാഷണൽ സർവ്വീസ് സ്കീം യൂണിറ്റിന്റെ ആഭിമുഖ്യത്തിൽ രൂപം കൊടുത്ത വിങ്സ് എന്ന ഉന്നത വിദ്യാഭ്യാസ സ്കോളർഷിപ്പ് പദ്ധതിയുടെ ഉദ്ഘാടനo നഗരസഭ ചെയർപേഴ്സൺ സിന്ധു അനിൽ നിര്വ്വഹിച്ചു.
നഗരസഭ പൊതുമരാമത്ത് സ്റ്റാൻഡിംഗ് കമ്മറ്റി ചെയർമാൻ സി.കെ അർജുനൻ, സ്കൂൾ എൽ.എ.സി ട്രഷറാർ റവ.സോജു എം.തോമസ്, പ്രിൻസിപ്പൽ ഹേമ മേരി മാത്യു, ഹെഡ്മിസ്ട്രസ് ഷീജ ബേബി, ശാന്തി വർഗ്ഗീസ്, സുജ വർഗ്ഗീസ്, സജി സി.കെ എന്നിവർ പ്രസംഗിച്ചു. തുടർന്ന് സംസ്ഥാന കലോത്സവ ജേതാക്കളുടെ കലാപരിപാടികൾ അവതരിപ്പിച്ചു.
