പത്തനംതിട്ട : പമ്പാ ഡാമിന്റെ ഷട്ടറുകൾ തുറന്ന സാഹചര്യത്തിൽ ആലപ്പുഴ ജില്ലയിൽ റെഡ് അലേർട്ട് പ്രഖ്യാപിച്ചു. പമ്പാനദിയുടെ തീരപ്രദേശങ്ങളായ ചെങ്ങന്നൂർ , മാവേലിക്കര, കുട്ടനാട്, കാർത്തികപ്പള്ളി താലൂക്കുകളുടെ പരിധിയിലുള്ള ജനങ്ങൾ ജാഗ്രത പുലർത്തണമെന്നും നദിയിൽ ഇറങ്ങുന്നത് ഒഴിവാക്കണമെന്നും ജില്ലാ കളക്ടർഅഭ്യര്ഥിച്ചു.
അതേസമയം ഡാം തുറന്നതിന്റെ ഒരു ചലനവും പമ്പാനദിയില് കണ്ടുതുടങ്ങിയിട്ടില്ല. നദിയില് ശക്തമായ ഒഴുക്ക് നിലവിലുണ്ട്. വൈകുന്നേരം അഞ്ചു മണിക്കുള്ള റിപ്പോര്ട്ട് അനുസരിച്ച് പമ്പാ ത്രിവേണി, പെരുന്തേനരുവി, പെരുനാട്, റാന്നി, ആറന്മുള എന്നിവിടങ്ങളില് ജലനിരപ്പ് ഉയര്ന്നിട്ടില്ല. പമ്പ ത്രിവേണിയില് അഞ്ചു പടവുകള് താഴെയാണ് വെള്ളം ഒഴുകുന്നത്. നദിയില് നല്ല ഒഴുക്കും ഉണ്ടെന്ന് പമ്പ പോലീസ് അറിയിച്ചു. പമ്പയില് മഴയും ഇപ്പോഴില്ല.
എന്നാല് അതിശയോക്തി കലര്ന്ന വാര്ത്തകളാണ് ടി.വി.ചാനലുകളില് നിറയുന്നത്. ഇത് ജനങ്ങളില് ഭീതി ജനിപ്പിക്കുകയാണ്. നിലവില് അച്ചന്കോവിലാറ്റിലും ജലനിരപ്പ് വളരെയധികം താഴ്ന്നുകൊണ്ടിരിക്കുകയാണ്.
https://www.facebook.com/mediapta/videos/2599405500323561/
