കൊച്ചി : വര്ഗീയ പ്രസംഗം നടത്തിയ പി.സി ജോര്ജിന് ജാമ്യം ലഭിച്ചത് വിവാദമായിരിക്കെ മജിസ്ട്രേറ്റിന്റെ നടപടിയില് അസ്വഭാവികതയില്ലെന്ന് ജസ്റ്റിസ് കെമാല് പാഷ. അസിസ്റ്റന്റ് പബ്ലിക് പ്രോസിക്യൂട്ടറെ കേള്ക്കാതെയും ജാമ്യം നല്കാന് മജിസ്ട്രേറ്റിന് ഈ കേസില് അധികാരമുണ്ടെന്ന് കെമാല് പാഷ പറഞ്ഞു. അവധി ദിവസങ്ങളില് ഹാജരാകാന് അസിസ്റ്റന്റ് പബ്ലിക് പ്രോസിക്യൂട്ടറെ നിര്ബന്ധിക്കാനാകില്ലെന്നും ജസ്റ്റിസ് കെമാല് പാഷ പറഞ്ഞു.
അനന്തപുരി ഹിന്ദു മഹാസമ്മേളനത്തില് നടത്തിയ വര്ഗീയ പ്രസംഗത്തിലാണ് പി.സി ജോര്ജിനെിതിരെ പോലീസ് ജമ്യമില്ലാ വകുപ്പ് പ്രാകരം അറസ്റ്റ് ചെയ്ത് മജിസ്ട്രേറ്റിന് മുമ്പില് ഹാജരാക്കിയത്. എന്നാല് ജോര്ജിന് ഉപാധികളോടെ മജിസ്ട്രേറ്റ് ജാമ്യം അനുവദിക്കുകയായിരുന്നു. ജാമ്യ ഉപാധി ജോര്ജ് ലംഘിച്ചോയെന്ന് പോലീസ് നിരീക്ഷിച്ച് വരുകയാണ്. കോടതി അവധിയായതിനാല് ചൊവ്വാഴചയാകും ജാമ്യ ഉത്തരവിന്റെ പകര്പ്പ് ലഭിക്കുക. അത് ലഭിച്ച ശേഷം അപ്പീല് അടക്കമുള്ള കാര്യങ്ങളില് തീരുമാനമെടുക്കും.
