റാന്നി : ശബരിമല ഭക്തര് സഞ്ചരിച്ച വാഹനത്തില് ഇടിച്ച് ബൈക്ക് യാത്രികന് പരിക്ക്. നാറാണംമൂഴി കൃഷി ഭവനിലെ കൃഷി ഓഫീസര് ശ്രീകുമാര് പണിക്കര് സഞ്ചരിച്ച ബൈക്കാണ് അപകടത്തില്പെട്ടത്. അത്തിക്കയം പെരുനാട് റോഡിൽ ചേന്നംപാറയിൽ വെച്ചായിരുന്നു അപകടം. പെരുനാട്ടിൽ നിന്നും അത്തിക്കയത്തേക്ക് വരികയായിരുന്ന ബൈക്ക് ശബരിമലക്ക് പോകുകയായിരുന്ന തമിഴ്നാട് സ്വദേശികളായ തീർത്ഥാടകരുടെ വാഹനത്തിലാണ് ഇടിച്ചത്.
വളവിൽ നിയന്ത്രണം വിട്ട ബൈക്ക് തീർത്ഥാടന വാഹനത്തിൽ ഇടിക്കുകയായിരുന്നുവെന്ന് നാട്ടുകാര് പറഞ്ഞു. ഇന്നു വൈകീട്ട് നാലരയോടെയാണ് അപകടം ഉണ്ടായത്. പരിക്കുകൾ പറ്റിയ ബൈക്ക് യാത്രികനെ പെരുനാട് സാമൂഹിക ആരോഗ്യ കേന്ദ്രത്തിലെ പ്രഥമ ശുശ്രൂഷയ്ക്ക് ശേഷം പത്തനംതിട്ട ജനറല് ആശുപത്രിയിലേക്ക് മാറ്റി. അപകടം മൂലം പാതയിൽ അൽപനേരം ഗതാഗതം തടസ്സപ്പെട്ടു. പെരുനാട് പോലീസ് സ്ഥലത്തെത്തി മേൽനടപടികൾ സ്വീകരിച്ചു.
