കണ്ണൂര്: കണ്ണൂരില് പോപ്പുലര് ഫ്രണ്ട് പ്രവര്ത്തകര് ട്രാവലര് അടിച്ചു തകര്ത്തു. കാഞ്ഞിരോട് സ്വദേശി അഭിലാഷിന്റെ ട്രാവലറാണ് സമരക്കാര് അടിച്ചു തകര്ത്തത്. എയര്പോര്ട്ടിലേക്ക് പോകുകയായിരുന്ന വാഹനം തടഞ്ഞു നിര്ത്തിയാണ് സമരാനുകൂലികള് ആക്രമണം നടത്തിയത്. സംഭവത്തില് വാഹനത്തിന്റെ ചില്ല് പൂര്ണമായും തകര്ന്നു. സമരക്കാര് മാരകായുധങ്ങളും വടിയുമായി വഴിയില് കാത്തു നിന്നാണ് ആക്രമണം നടത്തിയതെന്ന് അഭിലാഷ് പറഞ്ഞു. പോലീസ് വരുമ്പോള് വഴിയില് നിന്നും മാറി നില്ക്കുന്ന സംഘം പോലീസ് കടന്നുപോകുന്നതോടെ സ്വകാര്യ വാഹനങ്ങള്ക്ക് നേരെ വ്യാപകമായ അക്രമണമാണ് അഴിച്ചു വിടുന്നതെന്ന് അഭിലാഷ് പറഞ്ഞു.
