വിതുര : 13 വയസുകാരിയെ പീഡിപ്പിക്കാന് ശ്രമിച്ചയാളെ പോക്സോ നിയമപ്രകാരം അറസ്റ്റുചെയ്തു. വിതുര മരുതാമല മക്കി ക്ഷേത്രത്തിനുസമീപം ആര്.എസ് ഭവനില് ഷിജു (41) ആണ് പിടിയിലായത്. ഷിജുവിന്റെ മകളും പെണ്കുട്ടിയും ഒരുമിച്ചാണ് പഠിക്കുന്നത്. കൂട്ടുകാരിയെ കാണാന് വീട്ടില് ചെന്നപ്പോഴാണ് ഷിജു പീഡിപ്പിക്കാന് ശ്രമിച്ചത്.
സംഭവം പെണ്കുട്ടി സ്കൂളിലെ അദ്ധ്യാപികയോട് പറയുകയും സ്കൂളില് നിന്ന് ചൈല്ഡ് ലൈനില് അറിയിക്കുകയുമായിരുന്നു. വിതുര സിഐ എസ്.ശ്രീജിത്ത്, എസ്ഐമാരായ വിനോദ്, സതികുമാര്, എഎസ്ഐ പത്മരാജ്, എസ് സി.പി.ഒമാരായ രാംകുമാര്, ഷിബു എന്നിവര് ചേര്ന്നാണ് ഷിജുവിനെ അറസ്റ്റുചെയ്തത്. കോടതി പ്രതിയെ റിമാന്ഡ് ചെയ്തു.
