കൊച്ചി : അഭിനവ് സുന്ദർ നായക് സംവിധാനം ചെയ്തത മോളിവുഡ് ടെെംസ്’ എന്ന സിനിമക്കെതിരെ പോലീസ് കേസ്. നസ്ലെൻ നായകനായി ജൂണ് 5ന് പുറത്തിറങ്ങിയ ചിത്രമാണിത്. സിനിമയിലെ സെൻസറിംഗ് ചെയ്ത ഭാഗം തിയറ്ററിൽ പ്രദർശിപ്പിച്ചിരുന്നു. ഇതിനെതിരെയാണ് പോലീസ് കേസെടുത്തിരിക്കുന്നത്. സെൻസർ ബോർഡ് നൽകിയ പരാതിയുടെ അടിസ്ഥാനത്തിലാണ് കേസെടുത്തിട്ടുള്ളത്. മോളിവുഡ് ടൈംസിന്റെ വിധായകൻ, നിർമ്മാതാവ്, ഡിസ്ട്രിബ്യൂറ്റർ, ഡിജിറ്റല് ക്രിയേറ്റര് തുടങ്ങിയവർക്ക് എതിരെയാണ് കേസ്. സെൻസർ ബോർഡ് സെൻസർ ചെയ്ത അശ്ലീല സംഭാഷണങ്ങൾ തിയറ്ററിൽ അതേപടി കേൾപ്പിച്ചുവെന്നാണ് പരാതിയിൽ പറയുന്നത്. റീജിയണല് സെന്സര് ഓഫീസര്, സിറ്റി പോലീസ് കമ്മീഷണർക്ക് നൽകിയ പരാതിയുടെ അടിസ്ഥാനത്തിലാണ് കേസ്.
ചിത്രം സെന്സര് ചെയ്ത് സര്ട്ടിഫിക്കറ്റ് നേടിയിരുന്നു. സെന്സര് ചെയ്തപ്പോള് ചില ഭാഗങ്ങള് നീക്കം ചെയ്യുകയും ചില സംഭാഷണങ്ങള് മ്യൂട്ട് ചെയ്യുകയും ചെയ്തു. എന്നാൽ അണിയറക്കാര് തിയറ്ററില് പ്രദര്ശിപ്പിച്ചത് ഇത്തരം മാറ്റങ്ങള് വരുത്തിയ സിനിമയായിരുന്നില്ല. ഏതൊക്കെ ഭാഗങ്ങളാണോ നീക്കം ചെയ്തത് അത് കോര്ത്തിണക്കുകയും മ്യൂട്ട് ചെയ്ത ഭാഗങ്ങള് മ്യൂട്ട് ഒഴിവാക്കുകയും ചെയ്തിട്ടുണ്ട്. സിനിമാട്ടോഗ്രഫി നിമയമങ്ങള്ക്ക് വിരുദ്ധമായാണ് സിനിമ തിയറ്ററില് പ്രദര്ശിപ്പിച്ചതെന്നും പരാതിയില് പറയുന്നു.മൂന്ന് വര്ഷം വരെ തടവ് ശിക്ഷയോ ഒരുലക്ഷം രൂപ വരെ പിഴയുമോ അല്ലെങ്കില് രണ്ടും കൂടിയോ ലഭിക്കാവുന്ന കുറ്റമാണിത്. പരാതിയുടെ അടിസ്ഥാനത്തിൽ സിനിമയുടെ സംവിധായകൻ, നിർമ്മാതാവ്, ഡിസ്ട്രിബ്യൂറ്റർ, ഡിജിറ്റല് ക്രിയേറ്റര് എന്നിവരെ പോലീസ് നോട്ടീസ് നല്കി വിളിച്ചു വരുത്തും.
ഇവര് പോലീസിന് വിശദീകരണം നൽകണം. അന്വേഷണത്തില് സെന്സര് ചെയ്യാത്ത സിനിമയാണ് പ്രദര്ശിപ്പിച്ചതെന്ന് കണ്ടെത്തി കഴിഞ്ഞാല് ഇവര്ക്കെതിരെ നിയമനടപടിയും സ്വീകരിക്കും. അതേസമയം സെന്സര് ബോര്ഡ് അണിയറപ്രവര്ത്തകര്ക്കെതിരെ എന്ത് നടപടി സ്വീകരിക്കുമെന്നാണ് കണ്ടറിയേണ്ടത്. സിനിമയ്ക്കുള്ളിലെ സിനിമ പറഞ്ഞ ചിത്രമാണ് മോളിവുഡ് ടൈംസ്. അഭിനവ് സുന്ദർ നായക് ആണ് ചിത്രത്തിന്റെ സംവിധായാകാൻ ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ ആണ് മോളിവുഡ് ടൈംസ് നിര്മിച്ചത്.
