ഇടുക്കി : കൊവിഡ് ഡ്യൂട്ടിക്കിടയില് ക്രൂരമായി ആക്രമിക്കപ്പെട്ട പോലീസ് ഉദ്യോഗസ്ഥന് അജീഷ് പോളിന്റെ ചികിത്സയ്ക്കായി സര്ക്കാര് സഹായം തേടി കുടുംബം. ഇടുക്കി മറയൂരിലാണ് സംഭവം. ലോക്ക് ഡൗണ് പരിശോധനയ്ക്കിടെ മാസ്ക്ക് വെയ്ക്കാത്തത് ചോദ്യം ചെയ്ത അജീഷിജിനെ മറയൂര് സ്വദേശി സുലൈമാന് കല്ലുവെച്ച് തലയ്ക്കടിക്കുകയായിരുന്നു. തലയോട്ടിക്ക് പരുക്കേറ്റ അജീഷ് ആലുവയിലെ സ്വകാര്യ ആശുപത്രിയില് നീരിക്ഷണത്തിലാണ്.
ദീര്ഘനാള് ചികിത്സ തുടരേണ്ടിവരുമെന്നതിനാല് സര്ക്കാര് സഹായം ലഭ്യമാക്കണമെന്നാണ് കുടുംബത്തിന്റെ ആവശ്യം. തലയ്ക്ക് ഗുരുതരമായി പരുക്കേറ്റ അജീഷിനെ എറണാകുളത്തെ സ്വകാര്യ ആശുപത്രിയില് പ്രവേശിപ്പിച്ചു ശാസ്ത്രക്രിയ നടത്തി. ഇപ്പോഴും നീരിക്ഷണത്തിലാണ്. പോലീസ് അസോസിയേഷന്റെ സഹായത്തിലാണ് ആശുപത്രി ചെലവുകള് നടക്കുന്നത്. സംസ്ഥാനത്ത് ലോക്ക് ഡൗണ് പരിശോധനയ്ക്കിടെ പോലീസുകാര്ക്ക് നേരെ ഇതിന് മുമ്പും ആക്രമണം റിപ്പോര്ട്ട് ചെയ്തിട്ടുണ്ട്.
