അത്തിക്കയം: അത്തിക്കയം ജംങ്ഷനിലെ കുഴി ഇരുചക്ര വാഹന യാത്രക്കാര്ക്ക് ഭീഷണി ആകുന്നു. ജംങ്ഷനില് മാവേലി സ്റ്റോറിന് മുന്നിലെ വളവിനോടു ചേര്ന്നുള്ള കുഴിയാണ് യാത്രക്കാര്ക്ക് കെണിയായി മാറുന്നത്. അത്തിക്കയം-മടന്തമണ് റോഡില് പഞ്ചായത്ത് ഷോപ്പിംങ് മാളിനോടു ചേര്ന്ന വളവിലാണ് വലിയ കുഴി രൂപപെട്ടത്. നിരവധി തവണ കുഴി അടച്ചെങ്കിലും മഴ ശക്തമാകുന്നതോടെ വീണ്ടും കുഴി വലുതാകുകയാണ് ചെയ്യുന്നത്. കുഴി പാറമക്ക് ഉപയോഗിച്ച് അടക്കാന് ശ്രമിച്ചതും പണിയായിട്ടുണ്ട്.
പാറമക്കിനൊപ്പമുള്ള കല്ലുകള് ചെളിവെള്ളത്തില് കാണാതെ എത്തുന്ന ഇരുചക്ര വാഹനങ്ങള് മറിഞ്ഞു വീഴുന്നത് നിത്യ സംഭവമായിട്ടുണ്ട്. കുഴി ഒഴിവാക്കാന് ശ്രമിച്ച് മറുവശത്തേക്ക് വാഹനങ്ങള് എത്തുന്നത് ഗതാഗതം തടസപ്പെടുന്നതിനും കാരണമാകുന്നുണ്ട്. പഞ്ചായത്ത് ഷോപ്പിംങ് മാളിലെ വെള്ളം പൈപ്പിലൂടെ എത്തുന്നത് ഇതുവഴിയാണ്. ഇതും റോഡിന്റെ തകര്ച്ചയ്ക്ക് ആക്കം കൂട്ടുന്നുണ്ട്. ബിഎംബിസി നിലവാരത്തില് ടാറിംങ് നടത്തിയ ഭാഗമാണിവിടം.
