കോട്ടയം: സഭയ്ക്ക് ഏതെങ്കിലും രാഷ്ട്രീയപാര്ട്ടികളോട് അടുപ്പമോ വിരോധമോ ഇല്ലെന്ന് ഓര്ത്തഡോക്സ് സഭ അധ്യക്ഷന് ബസേലിയോസ് മാര്ത്തോമാ മാത്യുസ് ത്രിതിയന് കാതോലിക്കാബാവാ. മതേതരത്വത്തില് പ്രവര്ത്തിക്കുന്ന എല്ലാ രാഷ്ട്രീയ പാര്ട്ടികളും സഭയുടെ സുഹൃത്തുക്കളാണെന്ന് അദ്ദേഹം പറഞ്ഞു. ഇന്ത്യന് മതേതരത്വത്തിനു ഏത് രാഷ്ട്രീയ പാര്ട്ടിയില് നിന്നും ഭീഷണി ഉണ്ടായാലും അതിനെ സഭ എതിര്ക്കുമെന്നും കാതോലിക്കാബാവ പറഞ്ഞു.
അതേസമയം ക്രിസ്ത്യന് സഭകളെ അവഹേളിക്കുന്നത് സിപിഎം അവസാനിപ്പിക്കണമെന്ന് കെ.സുരേന്ദ്രന് പറഞ്ഞു. സിപിഎമ്മിന്റെ മുഖപത്രമായ പീപ്പിള്സ് ഡെമോക്രസിയില് മതമേലദ്ധ്യക്ഷന്മാരെ അപമാനിച്ചത് അപലപനീയമാണെന്നും അദ്ദേഹം പ്രസ്താവനയില് പറഞ്ഞു. ആക്ഷേപിച്ചും അപകീര്ത്തികരമായ പ്രസ്താവന നടത്തിയും മതപുരോഹിതന്മാരെ പിന്തിരിപ്പിക്കാമെന്നത് സിപിഎമ്മിന്റെ വ്യാമോഹം മാത്രമാണ്. ഇടതുപക്ഷത്തിന്റെ ദുര്ഭരണത്തിനും വര്ഗീയ പ്രീണനത്തിനുമെതിരെ കേരളത്തിലെ ക്രൈസ്തവര് പ്രതികരിക്കുന്നതാണ് സിപിഎമ്മിനെ അസ്വസ്ഥരാക്കാന് കാരണം.
