ന്യൂഡല്ഹി : കോണ്ഗ്രസ് പ്രവര്ത്തക സമിതിയില് ശശി തരൂരിനെ ഉള്പ്പെടുത്താന് നേതൃത്വത്തിന് മേല് കടുത്ത സമ്മര്ദ്ദം. പ്രവര്ത്തക സമിതിയിലേക്ക് നാമനിര്ദ്ദേശം ചെയ്യപ്പെടാന് എന്തുകൊണ്ടും യോഗ്യന് എന്ന സന്ദേശം തരൂര് ക്യാമ്പും മുമ്പോട്ട് വെയ്ക്കുന്നു. തരൂരിനെ ഉള്ക്കൊള്ളാതെ മുമ്പോട്ട് പോയാലുണ്ടാകാവുന്ന പൊട്ടിത്തെറികളെ കുറിച്ച് നേതൃത്വത്തിന് ബോധ്യമായി തുടങ്ങിയിട്ടുണ്ട്. മണി ശങ്കര് അയ്യര് ഉള്പ്പടെ ചില മുതിര്ന്ന നേതാക്കള് തരൂരിനെ ഉള്ക്കൊള്ളണമെന്ന ആവശ്യം ഉന്നയിച്ചിട്ടുണ്ട്.
കഴിഞ്ഞ ദിവസം തരൂരിനെ വിളിപ്പിച്ച് സോണിയ ചര്ച്ച നടത്തിയത് അനുകൂല സന്ദേശമായി വിലയിരുത്തപ്പെടുന്നു. നേതൃനിരയില് അശോക് ഗലോട്ട്, സംഘടന ജനറല് സെക്രട്ടറി കെ സി വേണുഗോപാല് തുടങ്ങി ഒരു കൂട്ടം നേതാക്കള്ക്ക് ശശി തരൂരിനെ പ്രവര്ത്തക സമിതിയിലെടുക്കുന്നതിനോട് താല്പര്യമില്ല.
