കൊച്ചി: ട്രിപ്പിള് ലോക് ഡൗണിനിടെ നഴ്സിങ് പരീക്ഷ നടത്താനുള്ള സ്വകാര്യ കോളേജിന്റെ തീരുമാനം
പ്രതിഷേധത്തെത്തുടര്ന്ന് പിന്വലിച്ചു. കോതമംഗലം സെന്റ് ജോസഫ് നഴ്സിങ് കോളേജിലെ അവസാനവര്ഷ വിദ്യാര്ഥികളുടെ പ്രാക്ടിക്കല് പരീക്ഷയാണ് മാറ്റിവെച്ചത്.
ട്രിപ്പിള് ലോക് ഡൗണാണെങ്കിലും പ്രാക്ടിക്കല് പരീക്ഷക്കായി കോളേജ് ഹോസ്റ്റലില് എത്തണമെന്ന പ്രിന്സിപ്പാളിന്റെ ശബ്ദ സന്ദേശം സമൂഹ മാധ്യമങ്ങളിലൂടെ പ്രചരിച്ചതോടെ വന് പ്രതിഷേധമാണ് ഉണ്ടായത്. പരീക്ഷയില് പങ്കെടുക്കാത്തവര്ക്ക് സപ്ലിമെന്ററി പരീക്ഷ എഴുതേണ്ടി വരുമെന്നുമുള്ള മുന്നറിയിപ്പും ശബ്ദ സന്ദേശത്തിലുണ്ട്. ഇതിനെതിരെ സമൂഹമാധ്യമങ്ങളില് വലിയ പ്രതിഷേധം ഉയര്ന്നതോടെ
കോളേജ് അധികൃതര് പരീക്ഷ മാറ്റിവെച്ച് തടിയൂരുകയായിരുന്നു.
