മലപ്പുറം: ഗുജറാത്ത് കലാപക്കേസുമായി ബന്ധപ്പെട്ട സുപ്രീംകോടതി വിധിയില് സന്തോഷമുണ്ടെന്ന് ഗോവ ഗവര്ണര് പി.എസ്.ശ്രീധരന്പിള്ള. കലാപമുണ്ടായപ്പോള് അതിനെ അടിച്ചമര്ത്താനാണ് അന്നത്തെ സര്ക്കാര് ശ്രമിച്ചത്. എന്നാല് ചിലര് ഇക്കാര്യത്തില് അപവാദ പ്രചാരണങ്ങള് നടത്തിയിരുന്നു. കഴിഞ്ഞ ദിവസം പോലീസ് അറസ്റ്റിലായവര് ഇതിന്റെ പേരില് പണം പിരിച്ചെന്നും ശ്രീധരന് പിള്ള ആരോപിച്ചു. ഗുജറാത്ത് മുഖ്യമന്ത്രി ആയിരുന്നപ്പോള് നരേന്ദ്രമോദിയേയും ഏജന്സികള് ചോദ്യം ചെയ്യാന് വിളിപ്പിച്ചിരുന്നു. എന്നാല് അദ്ദേഹം അതിനോട് സഹകരിച്ചിരുന്നുവെന്നും രാഹുല് ഗാന്ധിയെ ഇഡി ചോദ്യം ചെയ്തതിനെക്കുറിച്ചുള്ള ചോദ്യത്തിന് മറുപടിയായി ശ്രീധരന്പിള്ള പറഞ്ഞു. സത്യം പുറത്തു വരിക എന്നതാണ് ആത്യന്തിക ലക്ഷ്യമെന്നും ശ്രീധരന് പിള്ള പറഞ്ഞു .
