റാന്നി : കുട്ടികൾക്കും രക്ഷിതാക്കൾക്കും വേറിട്ട അനുഭവമാകാൻ വൈവിധ്യമാർന്ന പരിപാടികളുമായി പഴവങ്ങാടി ഗവൺമെൻറ് യു പി സ്കൂളിൽ വായന പക്ഷാചരണം തുടങ്ങി. പുസ്തക താലപ്പൊലിയുമായി തുടങ്ങിയ പരിപാടി പഴവങ്ങാടി പഞ്ചായത്ത് അംഗം ബിനിറ്റ് മാത്യു ഉദ്ഘാടനം ചെയ്തു. പി ടി എ വൈസ് പ്രസിഡന്റ് ലെനീഷ് അധ്യക്ഷത വഹിച്ചു. റാന്നി ബി പി സി ഷാജി എ സലാം മുഖ്യ പ്രഭാഷണം നടത്തി.
ഓരോ കുട്ടിയേയും കൊണ്ട് നൂറ് പുസ്തകങ്ങൾ വായിപ്പിക്കാനായി റാന്നി ബി.ആര്.സിയുടെ സംഭാവനയായി നൂറ് പുസ്തകങ്ങൾ സി ആർ സി കോ ഓർഡിനേറ്റർ ബീനാമ്മ കോശി, റെജീന ബീഗം എന്നിവർ സ്കൂൾ ലൈബ്രേറിയൻ ബിന്ദു ജി. നായർക്ക് കൈമാറി. എസ് ആർ ജി കൺവീനർ സ്മിത ഓമനക്കുട്ടൻ പ്രവർത്തനങ്ങൾക്ക് നേതൃത്വം നൽകി. പ്രധാമാധ്യാപികയുടെ ചുമതല വഹിക്കുന്ന എഫ് അജിനി, ഷിബി സൈമൺ, നിഷ വിജയൻ, അച്ചാമ്മ സൈമൺ, എന്നിവർ പ്രസംഗിച്ചു.