പത്തനംതിട്ട : പ്രതിപക്ഷ നേതാവ് വി.ഡി. സതീശൻ നയിക്കുന്ന ‘പുതുയുഗ യാത്ര’ ക്ക് ഫെബ്രുവരി 27-ാം തീയതി പത്തനംതിട്ട ജില്ലയിൽ ഉജ്ജ്വല സ്വീകരണം നൽകും. രാവിലെ 8 മണിക്ക് പ്രഭാതവേദി അടൂർ വൈറ്റ് പോർട്ടിക്കോ ഹോട്ടൽ സമുച്ചയത്തിൽ നടക്കും. വിവിധ രംഗങ്ങളിൽ ഉള്ളവരുമായി കൂടിക്കാഴ്ച, തുടർന്ന് പത്രസമ്മേളനം, 10 എ.എം ന് സ്വീകരണവും പൊതുയോഗവും കെ.എസ്.ആർ.ടി.സി ജംഗ്ഷ്നിൽ നടക്കും. ഉദ്ഘാടനം ആർ.എസ്.പി നേതാവ് എൻ.കെ. പ്രേമചന്ദ്രൻ എം.പി നിർവ്വഹിക്കും. തുടർന്ന് 11.30 എ.എം ന് തിരുവല്ലാ മുനിസിപ്പൽ ഓപ്പൺ സ്റ്റേജിൽ നടക്കുന്ന പൊതുയോഗം രാജ്യസഭാ മുൻ ഉപാദ്ധ്യക്ഷൻ പ്രൊഫ. പി.ജെ. കുര്യൻ ഉദ്ഘാടനം ചെയ്യും.
3.30 പി.എം ന് ആറന്മുള നിയോജക മണ്ഡലത്തിലെ സ്വീകരണം പത്തനംതിട്ട പഴയ പ്രൈവറ്റ് ബസ്സ് സ്റ്റാൻഡിൽ എ.ഐ.സി.സി വർക്കിംഗ് കമ്മിറ്റി അംഗം രമേശ് ചെന്നിത്തല എം.എൽ.എ ഉദ്ഘാടനം ചെയ്യും. 5 പി.എം ന് കോന്നി ടൗണിൽ സ്വീകരണം യു.ഡി.എഫ് സംസ്ഥാന കൺവീനർ അഡ്വ. അടൂർ പ്രകാശ് എം.പി ഉദ്ഘാടനം ചെയ്യും. സമാപന സമ്മേളനം വൈകിട്ട് 6.30 ന് റാന്നി ഇട്ടിയപ്പാറയിൽ പൊതുയോഗം ആന്റോ ആന്റണി എം.പി ഉദ്ഘാടനം ചെയ്യും.
വിവിധ സ്വീകരണ യോഗങ്ങളിൽ കേരളാ കോൺഗ്രസ് ചെയർമാൻ പി.ജെ. ജോസഫ് എം.എൽ.എ. മുസ്ലീംലീഗ് നേതാവ് അഡ്വ. ഷംസുദ്ദീൻ എം.എൽ.എ. ആർ.എസ്.പി സംസ്ഥാന സെക്രട്ടറി ഷിബു ബേബി ജോൺ, സി.എം.പി സംസ്ഥാന ജനറൽ സെക്രട്ടറി സി.പി. ജോൺ, കേരളാ കോൺഗ്രസ് ജേക്കബ് വിഭാഗം ചെയർമാൻ അഡ്വ. അനൂപ് ജേക്കബ് എന്നിവർ പ്രസംഗിക്കും.
