പത്തനംതിട്ട : കേരളാ മുഖ്യമന്ത്രിയും കെ.പി.സി.സി പ്രസിഡന്റുമായിരുന്ന ആര്. ശങ്കറിന്റെ 48-ാം ചരമവാര്ഷികം പത്തനംതിട്ട ഡി.സി.സി യില് ആചരിച്ചു. കേരളാ രാഷ്ട്രീയത്തില് തീനാളങ്ങള്ക്കുമീതെ നടന്ന നേതാവാണ് ആര്. ശങ്കറെന്ന് ഡി.സി.സി പ്രസിഡന്റ് ബാബു ജോര്ജ്ജ് പറഞ്ഞു. നവോത്ഥാന മൂല്യങ്ങള് ആര്. ശങ്കര് ഉയര്ത്തിപിടിച്ചു. ഡി.സി.സി യുടെ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഡി.സി.സി ഉപാദ്ധ്യക്ഷന് എ. സുരേഷ്കുമാര് അദ്ധ്യക്ഷത വഹിച്ചു. ജനറല് സെക്രട്ടറിമാരായ വി.ആര് സോജി, അഹമ്മദ് ഷാ, പത്തനംതിട്ട ബ്ലോക്ക് കോണ്ഗ്രസ് കമ്മിറ്റി പ്രസിഡന്റ് അബ്ദുള് കലാം ആസാദ് എന്നിവര് പ്രസംഗിച്ചു.
