കളമശ്ശേരി : കനത്ത മഴയെ തുടര്ന്ന് കളമശ്ശേരി കൂനംതൈയ്യില് മൂന്ന് നില വീട് ഇടിഞ്ഞുതാണു. ഇന്ന് രാവിലെ ഏഴരയോടെയാണ് വന് അപകടമുണ്ടായത്. സംഭവത്തില് ആളപായമില്ല. ലക്ഷം വീട് കോളനിയില് ഹംസയുടെ വീടാണ് ഇടിഞ്ഞത്. വീടിന്റെ താഴത്തെ നില പൂര്ണമായും ഭൂമിയിലേയ്ക്ക് ഇരുന്ന് പോകുകയായിരുന്നു. വീട്ടില് ഉടമയായ സ്ത്രീയും മകളുമാണ് ഉണ്ടായിരുന്നത്. അപകടത്തെ തുടര്ന്ന് നാട്ടുകാര് ഏണി ഉപയോഗിച്ച് ഇവരെ രക്ഷപ്പെടുത്തുകയായിരുന്നു.
