റാന്നി : ജനങ്ങൾക്ക് ശുദ്ധവും സുരക്ഷിതവുമായ കുടിവെള്ളം എളുപ്പത്തിൽ ലഭ്യമാക്കുക എന്ന ലക്ഷ്യത്തോടെ റാന്നി ഗ്രാമപഞ്ചായത്ത് പെരുമ്പുഴ ബസ് സ്റ്റാന്ഡില് വാട്ടര് എ.ടി.എം സ്ഥാപിച്ചു. സർക്കാർ ആശുപത്രി, ബസ് സ്റ്റാൻഡ്, ഓട്ടോ സ്റ്റാൻഡ് എന്നിവയുടെ സമീപത്തായതിനാൽ നിരവധി ആളുകൾക്ക് ഇത് പ്രയോജനപ്പെടും. ശബരിമല സീസണിൽ സമീപത്തെ ഇടത്താവളത്തിലൂടെ കടന്നുപോകുന്ന തീർഥാടകർക്ക് ഇത് സഹായകരമാകും.
റാന്നി എം.എല്.എ അഡ്വ.പ്രമോദ് നാരായൺ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ശശികല രാജശേഖരൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ടി.ജെ.ബാബുരാജ്, സ്ഥിരം സമിതി അധ്യക്ഷരായ ഓമന ശ്രീജിത്ത്, ദിലീപ് പി.ഫിലിപ്, പി.ജെ.ബിന്ദുമോൾ, അംഗങ്ങളായ സാബു പി.ഏബ്രഹാം, സനുജ മോൾ, എ.എൻ. സോമൻ, രാജേഷ് കുമാർ, ജെ. രജിത്, പി.എം. പ്രസന്ന കുമാരി, എം.ആർ.വിനോദ് കുമാർ, ശ്യാമള വാസുദേവൻ, സിന്ധു സഞ്ജയന് എന്നിവര് പ്രസംഗിച്ചു.
