ന്യൂഡല്ഹി : പ്രധാനമന്ത്രി നരേന്ദ്ര മോദിയുടെ ജന്മദിനത്തോട് അനുബന്ധിച്ച് റെക്കോര്ഡ് കൊവിഡ് വാക്സിനേഷന്. ഇതാദ്യമായി രാജ്യത്തെ പ്രതിദിന വാക്സിനേഷന് രണ്ട് കോടി ഡോസ് കടന്നു. വെള്ളിയാഴ്ച വൈകീട്ട് ഏഴു മണിവരെ 2.2 കോടി പിന്നിട്ടതായാണ് റിപ്പോര്ട്ട്. രാത്രിയോടെ ഇത് രണ്ടര കോടിയിലെത്തിക്കാനാണ് കേന്ദ്ര ആരോഗ്യമന്ത്രാലയം ലക്ഷ്യമിടുന്നത്.
ബി ജെ പി കേന്ദ്ര നേതൃത്വത്തിന്റെ നിര്ദ്ദേശ പ്രകാരം ബി ജെ പി ഭരിക്കുന്ന സംസ്ഥാനങ്ങള് മുന്കൈയ്യെടുത്താണ് റെക്കോര്ഡ് വാക്സിനേഷനിലേക്ക് എത്തിയത്. നിലവില് ലോകത്തില് ഒറ്റ ദിവസം ഏറ്റവും കൂടുതല് ഡോസ് വാക്സീന് വിതരണം ചെയതത് ചൈനയാണ്. 2.47 കോടി പൗരന്മാര്ക്കാണ് അന്ന് ചൈന വാക്സീന് നല്കിയത്. ഈ റെക്കോര്ഡ് ഇന്ന് രാത്രിയോടെ മറികടക്കുകയാണ് കേന്ദ്ര സര്ക്കാര് ലക്ഷ്യം. വാക്സിനേഷനില് രാജ്യം വെള്ളിയാഴ്ച പുതിയ റെക്കോര്ഡ് തീര്ക്കുമെന്നാണ് വിശ്വാസം.