വടകര : ആർ.എം.പി.ഐ.യിൽനിന്ന് രാജിവെച്ച ജില്ലാ സെക്രട്ടേറിയറ്റംഗവും വടകര ഏരിയാ സെക്രട്ടറിയുമായ കെ.ലിനീഷ് ഉൾപ്പെടെ 16 പേർക്ക് സി.പി.എം സ്വീകരണം നൽകി. ആർ.എം.പി. ഒഞ്ചിയം ഏരിയാ കമ്മിറ്റി അംഗം ഇ.പി രാജേഷ്, മണിയൂർ ലോക്കൽകമ്മിറ്റി അംഗം ടി.പി ബബീഷ് തുടങ്ങി വടകര, ഒഞ്ചിയം ഏരിയയിലെ 16 പേരാണ് സി.പി.എമ്മിൽ ചേർന്നത്.
നാദാപുരം റോഡിൽ ചേർന്ന ചടങ്ങിൽ സി.പി.എം ജില്ലാ സെക്രട്ടറി പി.മോഹനൻ ഹാരാർപ്പണം നടത്തി. സി.പി.എം വടകര ഏരിയാ സെക്രട്ടറി ടി.പി ഗോപാലൻ അധ്യക്ഷത വഹിച്ചു. ജില്ലാ സെക്രട്ടേറിയറ്റംഗം സി.ഭാസ്കരൻ, കെ.ശ്രീധരൻ, പി.കെ ദിവാകരൻ, ടി.പി ബിനീഷ്, കെ.ലിനീഷ്, ഇ.പി രാജേഷ് തുടങ്ങിയവർ സംസാരിച്ചു. ഏതാനും ദിവസംമുമ്പ് ആർ.എം.പി. മുൻ ജില്ലാ സെക്രട്ടേറിയറ്റംഗം ഇ.രാധാകൃഷ്ണൻ ഉൾപ്പെടെ രണ്ടുനേതാക്കൾ സി.പി.ഐ യിൽ ചേർന്നിരുന്നു.
