തിരുവനന്തപുരം : ഭൂമി തരംമാറ്റവുമായി ബന്ധപ്പെട്ട വിവാദ വിഷയത്തില് വിശദീകരണവുമായി നിയമസഭയില് റവന്യൂ മന്ത്രി കെ.രാജന്. 2021ഏപ്രില് മാസം മുതല് ഇതുവരെ 40084 അപേക്ഷകള് തീര്പ്പാക്കിയെന്ന് മന്ത്രി സഭയെ അറിയിച്ചു. ഇതുവരെ ഒരു ലക്ഷത്തിലേറെ അപേക്ഷകള് ലഭിച്ചു. 2021 ജനുവരി വരെ കിട്ടിയ അപേക്ഷകള് ആറു മാസം കൊണ്ടു തീര്പ്പാക്കുമെന്നും കെ. രാജന് വ്യക്തമാക്കി. ഉദ്യോഗസ്ഥര് ഇല്ലാത്തതാണ് ഓഫീസില് അപേക്ഷകള് കെട്ടിക്കിടക്കാന് കാരണം. ഈ പ്രശ്നം പരിഹരിക്കാന് ജീവനക്കാര് കുറവുള്ള സ്ഥലങ്ങളില് കൂടുതല് ഉദ്യോഗസ്ഥരെ നിയമിക്കും. വാഹന സൗകര്യമില്ലാത്ത വില്ലേജ് ഓഫീസുകളില് അതിനുള്ള സൗകര്യം ഏര്പ്പാടാക്കുമെന്നും മന്ത്രി കെ. രാജന് സഭയെ അറിയിച്ചു.
ഒരു വര്ഷത്തോളം റവന്യൂ ഓഫീസുകള് കയറിയിറങ്ങിയിട്ടും ഭൂമി തരംമാറ്റി കിട്ടാത്തതിനെ തുടര്ന്ന് ഫെബ്രുവരി നാലിനാണ് പറവൂര് സ്വദേശിയും മത്സ്യത്തൊഴിലാളിയുമായ സജീവന് ആത്മഹത്യ ചെയ്തിരുന്നു. സര്ക്കാര് സംവിധാനങ്ങളുടെ നടപടികളില് മനസ്സ് മടുത്താണ് ജീവനൊടുക്കുന്നതെന്ന് ആത്മഹത്യ കുറിപ്പില് സജീവന് വ്യക്തമാക്കിയിരുന്നു. ഇതേതുടര്ന്ന് റവന്യു വകുപ്പിനെതിരെ വലിയ വിമര്ശനങ്ങളാണ് ഉയര്ന്നത്.
