കോഴിക്കോട് : വെസ്റ്റ്ഹില്ലില് റോട്ട് വീലര് നായയെ പട്ടിണിക്കിട്ടു കൊന്നുവെന്ന പരാതിയില് വളര്ത്തുനായയുടെ ഉടമക്കെതിരെ പോലീസ് കേസ്. വാടകയ്ക്ക് നല്കിയ വീട്ടിലാണ് നായയുടെ ജഡം കണ്ടെത്തിയത്. കോഴിക്കോട് ചീഫ് വെറ്റിനറി ഡോക്ടറുടെ പരാതിയിലാണ് പോലീസ് കേസെടുത്തിരിക്കുന്നത്. വിപിന് എന്നയാളാണ് നായയുടെ ഉടമ.
ഇയാള് വീട് മാറി പോയപ്പോള് നായയെ ഒപ്പം കൊണ്ടുപോയിരുന്നില്ല. ഇടയ്ക്ക് മാത്രമാണ് നായയ്ക്ക് ഭക്ഷണം നല്കാനായി എത്തിയിരുന്നത്. കുറച്ച് ദിവസങ്ങളായി വിപിന് നായയ്ക്ക് ഭക്ഷണം നല്കാനായി എത്തിയിരുന്നില്ല. അത്തരത്തില് ഭക്ഷണം കിട്ടാതെയാണ് നായ മരിച്ചതെന്നാണ് പ്രാഥമിക നിഗമനം.