കോന്നി : കോന്നി മെഡിക്കൽ കോളേജിൽ കെ എസ് ആർ ടി സി കൃത്യമായി സർവീസ് നടത്തുന്നില്ലെന്ന് കോന്നി കെ എസ് ആർ ടി സി ഓപറേറ്റിംഗ് സ്റ്റേഷനിൽ പത്തനംതിട്ട ആർ ടി ഒ നടത്തിയ പരിശോധനയിൽ കണ്ടെത്തി. കോന്നി മെഡിക്കൽ കോളേജിലേക്ക് സർവീസ് നടത്തുന്ന കെ എസ് ആർ ടി സി ജീവനക്കാരും സ്വകാര്യ ബസ് ജീവനക്കാരും സമയ ക്രമത്തിന്റെ പേരിൽ കഴിഞ്ഞ ദിവസങ്ങളിൽ വാക്കേറ്റമുണ്ടായിരുന്നു.
ഇതിനെ തുടർന്ന് സ്വകാര്യ ബസ്സ് ജീവനക്കാർ പത്തനംതിട്ട ആർ ടി ഒ യ്ക്ക് നൽകിയ പരാതിയുടെ അടിസ്ഥാനത്തിൽ ആയിരുന്നു പരിശോധന. തുടർന്ന് കെ എസ് ആർ ടി സി കോന്നി മെഡിക്കൽ കോളേജിലേക്ക് കൃത്യമായി സർവീസ് നടത്തുന്നില്ലെന്ന് ആർ ടി ഒ യുടെ പരിശോധനയിൽ കണ്ടെത്തുകയായിരുന്നു. കഴിഞ്ഞ ദിവസങ്ങളിൽ കെ എസ് ആർ ടി സി സ്വകാര്യ ബസ്സ് തർക്കത്തിന്റെ ദൃശ്യങ്ങൾ സമൂഹ മാധ്യമങ്ങളിലും പ്രചരിച്ചിരുന്നു.
