തിരുവനന്തപുരം : മന്ത്രിസ്ഥാനം നഷ്ടപ്പെട്ടതില് ഒരു പ്രയാസവുമില്ലെന്നും താനിപ്പോഴും സ്ട്രോങ്ങാണെന്നും അഭിമാനമുണ്ടെന്നും സജി ചെറിയാന്. ഇന്നലെ വൈകിട്ട് വരെ മന്ത്രിയുടെ ബോര്ഡ് വച്ച കാറില് സഞ്ചരിച്ചിരുന്ന സജി ചെറിയാന് ഇന്ന് നിയമസഭയിലെത്തിയത് എം.എല്.എ ബോര്ഡ് വച്ച കാറില്. സഭയില് ഇരിപ്പിടം രണ്ടാം നിരയില് മുന്മന്ത്രി കെ.കെ ശൈലജയുടെ സമീപത്തായി.
ഭരണഘടനയെ അവഹേളിക്കുന്ന പരാമര്ശം നടത്തിയതിന്റെ പേരിലാണ് സജി ചെറിയാന് ഇന്നലെ മന്ത്രിസ്ഥാനം രാജിവയ്ക്കേണ്ടി വന്നത്. തിരുവല്ല കോടതി കേസെടുത്തതോടെ സജി ചെറിയാന് എംഎല്എ സ്ഥാനവും രാജിവയ്ക്കണമെന്ന ആവശ്യമാണ് പ്രതിപക്ഷ കക്ഷികള് ഉന്നയിക്കുന്നത്. എന്നാല് അതിന്റെ ആവശ്യമില്ലെന്ന നിലപാടിലാണ് സിപിഎം.
വിഷയത്തില് മുഖ്യമന്ത്രി ഇതുവരെ പ്രതികരിച്ചിട്ടില്ല. ഇന്ന് സഭയില് മുഖ്യമന്ത്രിയുടെ പ്രതികരണമുണ്ടാകുമെന്നാണ് പ്രതീക്ഷ. ഇന്നലെ മന്ത്രിയുടെ രാജി ആവശ്യപ്പെട്ട് പ്രതിപക്ഷം നടത്തിയ പ്രതിഷേധത്തില് എട്ട് മിനിറ്റുകൊണ്ട് സമാനടപടികള് പൂര്ത്തിയാക്കി പിരിയുകയായിരുന്നു.
