തിരുവനന്തപുരം: സര്ക്കാര് ജീവനക്കാരുടെ ശമ്പളം പിടിക്കുന്നതിനെതിരെ വ്യാപക പ്രതിഷേധം ഉയരുന്ന സാഹചര്യത്തില് സാലറി കട്ടില് സര്ക്കാര് ഇളവുകള് നല്കിയേക്കുമെന്ന് സൂചന. വര്ഷം ശമ്പളവും പെന്ഷനും നല്കാന് 60,000 കോടിയാണ് വേണ്ടത്. ശമ്പളം പിടിക്കുന്നതിലൂടെ 11 മാസം കൊണ്ട് 5000 കോടിയാണ് കിട്ടുന്നത്. എന്നാല് പ്രതിഷേധം വ്യാപകമായതോടെ മാസം 6 ദിവസത്തെ ശമ്പളം പിടിക്കാനുള്ള തീരുമാനം 5 ദിവസമായി ചുരുക്കാനാണ് സാധ്യത. അതേസമയം സാലറി കട്ടിനെതിരെ സിപിഐ അനുകൂല സംഘടനയായ ജോയിന്റ് കൗണ്സിലും, സിപിഎം സംഘടനയായ എഫ് എസ്ഇടിഒയും രംഗത്തുവന്നിരുന്നു. ഇതേ തുടര്ന്നാണ് അനുകൂല നടപടി സ്വീകരിക്കുന്നതെന്നും സൂചനയുണ്ട്.
