പാലക്കാട് : ആര്എസ്എസ് പ്രവര്ത്തകന് സഞ്ജിത്തിനെ കൊലപ്പെടുത്തിയ കേസില് സി ബി ഐ അന്വേഷണം വേണമെന്ന ഹര്ജി ഹൈക്കോടതി തള്ളി. പോലീസ് മേധാവി അന്വേഷണത്തിന് മേല്നോട്ടം വഹിക്കണമെന്നും കോടതി നിര്ദേശം നല്കി. സി ബി ഐ അന്വേഷണം വേണമെന്നാവശ്യപ്പെട്ട് സഞ്ജിത്തിന്റെ ഭാര്യയാണ് ഹര്ജി നല്കിയത്. ഹര്ജിയെ പോലീസ് ശക്തമായി എതിര്ത്തിരുന്നു. അന്വേഷണം നല്ല രീതിയില് നടക്കുന്നുണ്ടെന്ന് അന്വേഷണ സംഘം കോടതിയെ അറിയിച്ചിരുന്നു.
ഏതാനും പ്രതികളെ അറസ്റ്റ് ചെയ്തിട്ടുണ്ടെന്നും ഈ സാഹചര്യത്തില് കേസ് മറ്റൊരു ഏജന്സിയെ ഏല്പിക്കരുതെന്നുമായിരുന്നു സംസ്ഥാന സര്ക്കാരിന്റെ നിലപാട്. നവംബര് 15നാണ് ആര്എസ്എസ് തേനാരി മണ്ഡലം ബൗദ്ധിക് ശിക്ഷണ് പ്രമുഖായിരുന്ന സഞ്ജിത്തിനെ കാറിലെത്തിയ സംഘം വെട്ടിക്കൊന്നത്. പാലക്കാട് -തൃശൂര് ദേശീയപാതയ്ക്കടുത്ത് കിണാശ്ശേരി മമ്പറത്ത് വച്ചായിരുന്നു അക്രമം നടന്നത് . ഭാര്യക്കൊപ്പം ബൈക്കില് സഞ്ചരിച്ചിരുന്ന സഞ്ജിത്തിന്റെ ബൈക്ക് തടഞ്ഞുനിര്ത്തി വെട്ടിക്കൊല്ലുകയായിരുന്നു.
