മുംബൈ : അനുമതിയില്ലാതെ സർക്കാർ സ്കൂളിൽ പ്രവേശിക്കുകയും അധ്യാപകരെ ഭീഷണിപ്പെടുത്തുകയും ചെയ്തെന്ന പരാതിയിൽ കോക്രോച് ജനതാ പാർട്ടി (സിജെപി) സ്ഥാപകൻ അഭിജീത് ദിപ്കെയ്ക്കെതിരെ ലാത്തൂർ പോലീസ് കേസെടുത്തു. മുംബൈയിൽ നിന്ന് 500 കിലോമീറ്റർ അകലെയുള്ള ലാത്തൂർ ഔസയിലെ ഉർദ്ദു സ്കൂളിലെ അധ്യാപികയാണു പരാതി നൽകിയത്. അനുമതിയില്ലാതെ സ്കൂളിലേക്കു കയറിവന്ന ദിപ്കെയും സഹപ്രവർത്തകരും ക്ലാസിൽ വിദ്യാർഥികൾക്കിടയിൽ ഇരിക്കുകയും അവരോട് ചോദ്യങ്ങൾ ചോദിക്കുകയും അക്കാര്യങ്ങൾ ക്യാമറയിൽ പകർത്തുകയും ചെയ്തെന്നും അതു സ്കൂളിന്റെ പ്രവർത്തനങ്ങൾ താളം തെറ്റിച്ചെന്നുമാണു പരാതിയിലുള്ളത്. തങ്ങളുടെ സന്ദർശനത്തെക്കുറിച്ച് അറിഞ്ഞ സ്കൂൾ അധികൃതർ അടുത്തുള്ള സ്കൂളിലെ വിദ്യാർഥികളെ കൊണ്ടുവന്നതായുള്ള ദിപ്കെയുടെ ആരോപണം സ്കൂളിനെയും അധ്യാപകരെയും അപകീർത്തിപ്പെടുത്തിയെന്നും പരാതിയിൽ ഉന്നയിച്ചിട്ടുണ്ട്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
