കണ്ണൂര് : ഭര്ത്താവിനൊപ്പം സ്കൂട്ടറില് യാത്ര ചെയ്യവേ തെറിച്ചുവീണ് പരിക്കേറ്റ അധ്യാപിക മരിച്ചു. ചുഴലി ബിപിഎം എല്പി സ്കൂള് പ്രീപ്രൈമറി വിഭാഗം അധ്യാപികയായ ആര്ലിന് വിന്സെന്റാണ് അപകടത്തില് മരിച്ചത്. ചുഴലി ചാലില് വയല് സ്വദേശിയായിരുന്നു. തിങ്കളാഴ്ച രാവിലെയാണ് അപകടം നടന്നത്. ചെമ്പന്തോട്ടി ഭാഗത്തേക്ക് സഞ്ചരിക്കവെയാണ് പയറ്റ്യാലില് വെച്ച് ആര്ലിന് തെറിച്ച് വീണത്. തലയ്ക്ക് സാരമായി പരിക്കേറ്റ ഇവരെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. മണ്ഡളം നീലയറ കുടുംബാംഗമാണ്. വെല്ഡിംഗ് തൊഴിലാളിയായ വിന്സെന്റാണ് ഭര്ത്താവ്.
