കോഴിക്കോട് : കോഴിക്കോട് ബേപ്പൂരിൽ നിന്ന് മത്സ്യബന്ധനത്തിന് പോയ ബോട്ടിൽ ചരക്ക് കപ്പൽ ഇടിച്ചു. കൊച്ചി പുറം കടലിൽ വെച്ചാണ് സംഭവം. നാലുപേർക്ക് നിസാര പരിക്കേറ്റു. മലേഷ്യൻ ചരക്ക് കപ്പൽ ആണ് ഇടിച്ചത്. ഗ്ലോബൽ എന്ന മലേഷ്യൻ ചരക്ക് കപ്പലാണ് ഇടിച്ചതെന്നാണ് കോസ്റ്റൽ പോലീസ് നൽകുന്ന വിവരം. ഇടിച്ചതിനു ശേഷം കപ്പൽ നിർത്താതെ പോയെന്ന് കോസ്റ്റൽ പോലീസ് പറയുന്നു. ഫോർട്ടുകൊച്ചി കോസ്റ്റൽ പോലീസ് അന്വേഷണം തുടങ്ങിയിട്ടുണ്ട്. ബേപ്പൂർ സ്വദേശി – അലി അക്ബറിന്റെ അൽ നസീം എന്ന മത്സ്യ ബന്ധന ബോട്ടിൽ ആണ് ചരക്ക് കപ്പൽ ഇടിച്ചത് .
